الى بقى ليكم شوية دلحم طايب ...
--------------------------------------------------------------------------------
السلام عليكم
شوية دلحم بقري طايب 150 ج تقريبا ) الا شاط عليكم من شي طاجين.
نحتاج الى صلصة البيشاميل عاقدة و المقادير كالتالي
1م .كبرة زبدة
3م.كبيرة فورص
كاس حليب
المقادير الأخرى
لاشابلور
ملح
ابزر
كوزة
معدنوس
فروماج أحمر
بيضة
في كاسرونة نضع الزبدة ثم نضيف الفورص و نحرك على نار مهيلة ثم بعد شوية نضيف الحليب + ملح+ كوزة
نحصل على صلصة بيشاميل عاقدة مثل البوري (عجينة البطاطس).
نطحن اللحم الطايب و نضيف عليه صلصة البيشاميل العاقدة + شوية الكوزة ملح ابزر + معدنوس+ الفروماج
ممكن استعمال الفروماج في وسط الكويرات
أي عندما نأخد كورة ديال هده المقادير نضع وسطه الفروماج الأحمر و نسد عليه (يصبح لنا الفروماج وسط الحشوة )
نكور المقادير نمررهم في لاشابلور ثم في البيضة المطربة ثم في لاشابلور ثم نقليهم و بالصحة و العافية.
