المقادير ..
كتف خروف ........نص كيلو لحم الخروف مقطعة مربعات صغيرة.....نص كيلو البصلة حمرا.. ربطة المعدنوس....ملعقة ابزار..ملعقة سكنجبير...ملح....ملعقة ملون اصفر ...زعفران .....
ملعقة صغيرة كمون...راس ملعقة صغيرة فلفل حلو احمر يعني التحميرة ....نص كاس صغير زيت
ملعقة صغيرة خرقوم ...ماء
الطريقة ......
نحكوا البصلة ونزيدوا عليها المعندوس مقطع والتوابل والزيت
ناخدوا الكتف نعملو فيه شقوق بالسكين باش تدخل فيه التشرميلة مزيان
ونشرملو الكتف من جميع الجهات
ونوضعوه في طنجرة مع قليل من الزيت مدة خمس دقائق
ثم ناخدوا التشرميلة اللي بقات نزيدوا عليها طريفات اللحم ونخلطوها مزيان ومن بعد نحيدو الكتف من الطنجرة ونوضعوها في صينية الفرن المغلفة بورق الالمنيوم...
وفديك الزيت اللي فالطنجرة نوضعو اللحم المقطعة مع التشرميلة ونبقاوا نحركوها حتى يتحمر اللون ديالها
من بعد نزيدو ا عليها 2 كؤوس صغار ديال الماء ونخليوها تطيب مزيان على نار مهيلة
ونخلو الكتف للفرن
بعدما نكونو ضفنا عليه 2 كؤوس ديال الماء و نغطيوها بورق المنيوم جيدا ونعملو فتحة صغير بالسكين من الفوق
ونخليوها تطيب فالفرن بين نصف ساعة حتى 45 دقيقة على حسب الحجم
من بعد نحيدوا ورق الالمنيوم اللي من فوق وندهنوها اما بالسمن اولا بالزبدة ونخليوها تتحمر
التقديم ...
2 ملاعق سكر ... برقوق ..ماء ...نعسلوهوم
وفي صحن التقديم نوضعو اللحم المقطعة مع المرقة اللي معاها ومنسوش باللي كنخليوها ثقيلة يعني مفيهاش السائل بزاف
ونوضعوا الكتف فالوسط...ونزينوها بالبرقوق ونعملو 2 ملاعق من السائل اللي تعسل فيه البرقوق مع المرق
يمكن نزيدوا حتى اللوز مقلي والبيض مصلوق على حسب الرغبة
وبالصحة والراحة
