بسم الله الرحمن الرحيم
[ بروستد بيتوتي مع صلصة الثوم ]
هالطريقه اتعب وانا اقول تجنن
المقادير :
سيقان وجوانح الدجاج
التتبيله :
كوب لبن + ملعقه كبيره ملح + فلفل اسود وكمون + بابريكا + ثوم مطحون
+ فلفل احمر حار + ملعقه كبيره بهارات مشكله
للتغطيه :
كوب شوفان مطحون + كوب دقيق ابيض + ملح وشوية بهارات
زيت للقلي
الطريقه :
بعد تنظيف الدجاج نضيفها للتبيله ونتركها يوم كامل في الثلاجه
وممكن تصلحينها قبل القلي بكم ساعه
ووقت القلي نغمسها في خلطة الشوفان
ونقليها لين تستوي
تقررررمش وطعمها خطير ولا اطلق مطعم للبروستد << تريش بعمرها
نقدم معها صلصة الثوم او الثوميه
طريقتها :
2 بطاطس حجمها متوسط
قشريها وقطعيها مكعبات واسلقيها بمويه وملح
ولازم تستوي مره
حطيها بعدين في الخلاط الكهربائي وضيفي عليها مويه يعني تقريبا كمية المويه تغطي كمية البطاطس
وضيفي عليه ملعقه كبيره خل ابيض
و 3 فصوص ثوم ونص ملعقه صغيره ملح وفنجال قهوة زيت زيتون
واذا ودك طعم الثوم يكون قوي خليها 4 فصوص
اخلطيه لين يصير الخليط ناعم ولو شفتيه ثقيل مره ممكن تضيفين شوية مويه
ولو تبين يكون فيه شوية حمضه ضيفي عليه عصرة ليمون
وقدميه مع المقليات او المشويات مره طِعمه وتجنن
