1سمكة طون
اغسليها و خليها تقطر من الماء.
شقيها بالموس(فلحيها)كلها من برا و من داخل و في كل فتحة ديري شوية ديال التومة غبرة
و شوية ديال الملحة
لويها في البابيى المنيوم وديريها في طبسيل ديال الفران
مدة الطهي 1ساعة الا ربع لكل0.5 كيلو.
المهم تفتحي على الحوتة تكون ناشفة مزيان من الماء (حتى قطرة)و تكون محمرة.
الوقت ماشى مهم لان كل واحد والعافية ديال الفران ديالو(العافية مجهدة حتى تسخن الحوتة تم تقلل العافية عليها)
لما تخرجيها من الفران خليها تبرد
تم نقيها كلها من الشوك
خدي قرعات ديال الكوفتير الصغار ضعي كمية من السمك (ماتعمريش القرعة)
اضيفي ضرس ديال الثومة مقشر و ورقة سيدنا موسى و عمري عليها زيت المائدة تكوني طيبتيهامن قبل 10 دقايق فوق العافيةو بردتيها
تم اغلقي القرعات وادخليهم الثلاجة وتستعمل بعد 3ايام باش يصبح الزيت بنكهة الطون .لا تاكلي من القرعة 2 حتى تكمل الاولى.
