السلام عليكم
هذا الكرص لي كنتو شفتوه و تتقلبو عليه
و تيقو بيا كايجي راااااااااااائع
اولا تنشكر الشاف اللي خديت منو هاد الوصفة و هذا تطبيقي
المقادير
1 كيلو فورص
150 غرام سنيدة
6 البيضات
50 غرام خميرة عجينة
معلقة صغيرة ملحة
كاس كبير الزيت
2 معالق كبار زنجلان مغسول ومنقي
1 معلقة النافع مغسول ومنقي
2 معالق كبار ماء الزهر
1 برتقالة غادي نحتاجو القشرة ديالها وكذالك العصير
ماء دافيء
الطريقة
كنديرو البيضات والزيت والماء زهر وعصير البرتقالة للي عندنا والسكروالملحة و الخميرة كنضربوهم شوية مع بعض ثم نزيدو الزنجلان والنافع و قشرة الليمونة و الطحين و نزيدو الماء شوية بشوية حتى يتجمع لينا العجين ونعجنوها مزيان و نخليوها ترتاح ثم نشكلو من كويرات و نبسطوهم و نذهنوهم بالبيض و نرشوهم بالزنجلان و نخليوهم يخمرو مزيان و ملي يخمرو نطيبوهم
ملاحظة انا العجينة مهزاتش ليا الما يلاه الجهد فاش ذوبت الخميرة لذلك خليو الما حتى للأخير حتى تشوفو العجينة واش تجمعات و على حسب الطحين
و بالصحة و الراحة
