اهلا اخواتي
عندي ليكم بريوش بشكل جديد وراقي
* المقــآديــر *
- 4 كيسـان كبار ديال الفورص
- 3 ملاعق كبار زبدة
- 3 ملاعق كبار نيدو
- خمارة حمرا
- ملعقة كبيرة خميرة معجونة محلولة بشوية الماء دافي وملعقة صغيرة سكر
- قبصة ملح
- حليب دافي لجمع العجين
كنخلطوا جميع المقادير نغطيوها ونخليوها فمكان دافيء حتى تخمر
مللي تخمر كناخذوا كرة من العجين ونرشوا الدقيق ونطلقوها بالمدلك
كنقطعوها دوائر ونفلحوها من الجناب ونديروا فوسطها قطعة ديال الفروماج
او الشكلاط على حسب الذوق ، وندهنوا الجناب دياولها بابيض البيض
وكنسدوها من الجناب
كنجمعوا الجناب كاملين وكنحصلوا على هاذ الشكل
كنديروهم فلاطة كندهنوهم بصفر البيض ، كنرشوا ديال الشكلاط بسنيدة
وديال الفروماج بالفروماج الاحمر المحكوك
كندخلوهم الفران يطيبوا مللي كنخرجوهم هذا هو الشكل النهائي ديالهم
