شفتو داك المسمن لي كايجي مدلوك ومورق ومرسومة فيه خريطة العالم بالمقلة وتقدري تلويه السر ديالو هو فاش تعجني وخص الطحين يكون ممتاز ديري خميرة الخبز وقسميه كويرات وغطيه بالبلاستيك الغذائي وخليه يرتاح حتى يتضاعف الحجم ديالو من بعد كرصيه بالزبدة والزيت والسميدة الرقيقة فينما تلوي رشي باش يجي مورق وحمي مقلة ثقيلة ونقصي عليها العافية وغير تحطي المسمنة حسبي على خمسة وقلبيها وشوفي كيفاش غادا تنفخ وتجي مورقة
