--------------------------------------------------------------------------------
السلام عليكم ورحمة الله وبركاته أول شي....
بنات انا بشرتي والحمد لله مثل الأطفال روععه.... وما في حد ما ينجن عليها ... (قولوا ماشالله ) الله اكبر...
و بعدين
توظفت :s
وخفت على بشرتي ، وقلت لازم اعتني فيها عشان ما تتأثر...
والنتيجه
انها صارت أحلى من أول ومب بس جييييييه صارت خدودي حمرررررررر وخشمي بعد ...
شوفو أول ما أقوم طبعا اتسبح و أغسل وبعدين أحط زيت بيبي جونسون
حبيت أقول اني اغسل وجهي بصابون العسل وايد لطيف
بعدين اتنشف وارش على وجهي ماي سدر
واخليه مع حبيبات السدر الناعمة على وجهي مدة خمس دقايق
وفي هالخمس دقايق أحط كريم العناية الخاص بالركب والاكواع.. (نتايجه فعالة بخبركم عنه عقب)
وبعدين أغسل وجهي بماء ورد باااارد
واحط قناع الروب والخميرة...
وأكمل لبس ثياب يوماانسي ارش بودرةجونسون الي بالنعناع
رش عطر جونسون الأصفر...والله عجيبه ريحته في الجسم
بعدين أغسل وجهي وأمرر عليه ثلجة لين تذوب كلها ... وانشف وجهي بطريقة التربيت فقط ....
وأحط كريم ضد الشمس و كحل + مرطب الشفاه بس.. وأطلع الدوام
وبالنسبة لخلطة السدر هاتي ملعقتين سدر مطحون + غرشة ماي معدني صغيرة وحطيه في الثلاجة و ممكن تضيفين شوية عسل ...
خلطة الركب والكوعين (وتنفع للمتزوجات للأماكن الحساسه) تدرون راح يشل السواد و يخلي المكان وررردي والله العظيم .. جربوها وصدقوني ما راح تستغنون عنها..
الوصفة هي :
كريم رتن a
كريم ديرموفيد الأخضر
ألدكوين
والحين خلوني أخبركن شو أسوي أثناء الدوام .....
أجلس في المكتب و لازم يكون معاي كلينكس ديتول (لنظافة اليدين ) و تدرون اني حاطة في مكتبي كريم لليد و ممغذي الأظافر ..
واستعمله أول ما أوصل الدوام أغذي أظافري وبعدين كريم اليد ... وفنص الدوام استعمل محارم ديتول للنظافة وريحتها حلوة بعد .. Fresh
والمفاجأة اني أعتني بجسمي في الدوام
لحظة لا تفهموني غلط ... طول فترة الدوام ما أشرب غير ماء + قهوة دينا سفلت لتنقيص الوزن (اشتريتها و عطيتها للفراش يسويلي بدل الشاي والقهوة) ... هذا الى جانب عصير البرتقال والعنب (أحيانا) ... فكرة حلوة صح
وطول الفترة ما أحاول ألمس وجهي ابدا ابدا ابدا واذا كنت مضطرة اجيب كلينكس ناعم وأمسح به وجهي ..
هذي العناية أثناء الدوام ..
أرجع من الدوام .. أصلي .. أذا كنت بقعد في البيت أدهن شعري يوم زيت الجرجير و يوم زيت الحلبة و يوم زيت الفلفل البارد..( على فكرة شعري قولوا ما شالله لين الركب)..
بعدين اغسل وجهي بالسدر واحط قناع احبة السودة وزيت الزيتون لمدة ربع ساعة و أدهن جسمي كامل بخلطة توحيد اللون ..
اغسل وجهي من القناع بما الورد المثلج .. أحط لوشن خفييييييييف لتيييض البشرة بعد عشر دقايق من غسل الوجه ...
أفرك كمية بسييييييييطة من زيت الخروع و رماد نوى التمر على رموشي ..
أتغدى .. أحط كريم اليد و الرجلين و أنااااااااام (الظهر)
انش العصر أصلي و أيييييب صحن فواكه أنواع وأشكال و آآآآآآآكل من الخاطر جدام التلفزيون ... و أشرب عصير التوت (لاكنور)..
بعديييييييييين أطلع النادي أسوي رياضة لمدة ساعة وما أظهر بالسيارة لا.. اسير على رجولي لين النادي وأرجع بعد على رجولي .. (على فكرة هو مش وايد بعيد)
أرجع آخذ دش خفيف بماء باااااارد بدون ما أغسل شعري لان شعري أغسله يوميا الصبح ...
وأيب زيت السمسم أو الزيتون وأفرك جسمي فيه و الوجه بعد .... وبعدين أغسل وجهي بماء الورد الباااااااااارد...
أقعد مع الأهل أقراء مجلات .. أسولف مع ربيعاتي ...
أتعشى زعتر ولبنه بسسسسسسسسسسس والله يعمل عجايب في الويه....
وأرجع أحط كريم الجسم و كريم العناية بالرجل واليدين و زيت الرموش و دهان الشعر اذا ما دهنته الظهر... و فكس للشفايف... وكريم ليلي للوجه ..
و أنااااااااااااااااااااااااام
